کراچی (اسٹاف رپورٹر) پاک بحریہ نے کراچی ہاربر میں ریسکیو آپریشن کرکے مہمند شاہ بخاری نامی کشتی پر پھنسے افراد کو ریسکیو کرلیا۔ ترجمان پاک بحریہ کے مطابق مہمند شاہ بخاری نامی کشتی تکنیکی خرابی کے باعث حادثے کا شکار ہوئی، جس کے بعد کشتی پر سوار 22 افراد کے ڈوبنے کا خدشہ تھا۔ پاک بحریہ نے بروقت کارروائی کرتے ہوئے تمام افراد کو بچالیا ۔واضح رہے کہ پاک بحریہ میری ٹائم سیکورٹی کیساتھ ساتھ انسانی ہمدردی کے آپریشنز کی انجام دہی میں بھی پیش پیش رہتی ہے۔