کراچی (پ ر) ریلوے محنت کش یونین کے وفد نے چیئرمین عبدالمجید سولنگی کی قیادت میں ڈی ایس آفس کراچی میں جنرل منیجر سے ملاقات کی۔ اس موقع پر وفد میں شامل مرکزی سینئر نائب صدر زیڈ اے صدیقی، ڈویژنل جنرل سیکریٹری عبدالمجید کامریڈ، سعید سیال نے کراچی میں ریلوے ملازمین کے مکانات کی زبوں حالی کا شکار ہیں جن کی آج تک مرمت نہیں کی گئی، جہاں ٹرین اسٹاپ نہیں وہاں لاکھوں خرچ کئے گئے ہیں، اس کی انکوائری کرنی چاہئے۔ انہوں نے مزید کہا کہ ریلوے ملازمین کے بچوں کو بھرتی کیا جائے اور کوٹے میں اضافہ کیا جائے۔ ریلوے ہائوسنگ سوسائٹی میں الیکشن کرایا جائے اور ریلوے حسن اسپتال میں دوائیاں مہیا کی جائیں اور ڈاکٹرز مقرر کئے جائیں۔