کراچی(اسٹاف رپورٹر) ملیراور کورنگی میں گاڑیوں کی زد میں آکر 2افراد جاں بحق جبکہ ہلکی بارش کے بعد سڑکوں پر پھسلن کے باعث 3 مسافر بسیں الٹ گئیں اور درجنوں موٹر سائیکلیں سلپ ہونے سے 54 افراد زخمی ہو گئے۔ تفصیلات کے مطابق گذشتہ صبح ہلکی بارش کے بعد اورنگی ،ناظم آباداوراور ایم اے جناح روڈ پرپھسلن کے باعث کوچزاور بسیں الٹ گئیں جس کے نتیجے میں خواتین اور بچوں سمیت 28 مسافر زخمی ہو گئے جبکہ مختلف علاقوں میں سڑکوں پر پھسلن سے درجنوں موٹر سائیکلیں سلپ ہو گئیں جس کے نتیجے میں 40 افراد معمولی زخمی ہو ئے جنہیں قریبی اسپتالوں میں طبی امداد دی گئی ۔دریں اثنا میمن گوٹھ سپر ہائی وے ملیر لنک روڈ پر گاڑی کی ٹکر سے موٹرسائیکل سوار 28سالہ حبیب ولد اشرف جاں بحق ہوگیا۔ قیوم آباد میں گاڑی کی ٹکر سے 40 سالہ نامعلوم شخص جاں بحق ہوگیا .