کراچی(اسٹاف رپورٹر/ایجنسیاں) پی آئی اے کی نااہلی کاایک اور واقعہ سامنے آگیا ،پی آئی اے پرواز 70عازمین حج کو کراچی چھوڑ کر جدہ روانہ ہوگئی جس پر پیچھے رہ جانے والے مسافروں نے ائیرپورٹ پر احتجاج کیا، ترجمان قومی ائیر لائن نے کہا ہے کہ تیکنیکی وجوہات پر واقعہ پیش آیا۔نجی ٹی وی کے مطابق طیارے میں گنجائش نہ ہونے کی وجہ سے پی آئی اے انتظامیہ نے جہاز میں تمام مسافروں کو نہ بٹھایا۔ترجمان پی آئی اے کا کہنا ہے کہ واقعہ تیکنیکی وجوہات کی وجہ سے پیش آیا، پرواز 2077 کے مسافروں کو ہوٹل منتقل کیا جارہا ہے، جنہیں اب رات 10 بجے دوسری پرواز 731 کے ذریعے روانہ کیا جائے گا۔