فیصل آباد(امت نیوز )فیصل ۱ٓباد میں جشن آزادی کے حوالے سے انٹرڈویژنل کراٹے چمپین شپ سمن آباد سپورٹس کمپلیکس میں کھیلی گئی جس کے مہمان خصوصی چیف آرگنائزر و ڈویژنل سپورٹس آفیسر چوہدری طارق نذیر اور ڈسٹرکٹ سپورٹس آفیسر رانا حماد اقبال تھے ۔اس موقع پر چیف آرگنائزنگ سیکرٹری ماجد بٹ ‘ ٹیکنیکل آفیسر تاج رحمانی ‘ خضرحبیب ‘ رحمان حبیب‘ عرفان کے علاوہ شائقین کی کثیر تعداد بھی موجود تھی ۔ اس چمپین شپ میں 350 کھلاڑیوںنے شرکت کی ۔ چمپین شپ کے نتائج کے مطابق ضلع فیصل آباد کے 20کھلاڑیوں نے پہلی‘ضلع ٹوبہ ٹیک سنگھ کے 20 کھلاڑیوں نے دوسری پوزیشن حاصل کی جبکہ 20 کھلاڑی تھرڈقرار پائے ۔