چنیوٹ (نمائندہ امت )نئی نویلی دلہن سسرالیوں کو نشہ ملا کھانا کھلا کر آشنا کے ساتھ گھر سے بھاگ گئی پولیس نے مقدمہ درج کر لیا ۔تفصیلات کے مطابق 10 روز قبل محمد شیر سکنہ ڈاور اپنی بہو رابعہ سکنہ کوٹ لالے والا کو بیاہ کر اپنے گھر لے آیا تھا کہ گزشتہ روز نئی نویلی دلہن رابعہ نے رات کے کھانے میں نشہ آور چیز ملا کر تمام سسرالیوں کو کھلا دیا جس کی وجہ سے تمام گھر والے بے ہوش ہو گئے ۔اسی اثناء میں ملزمان احسان اور اس کی ہمشیرہ سکینہ بی بی ، طاہر ، بلال اور چار نامعلوم ساکنان کوٹ لالے والا گاڑی میں سوار ہو کر آ گئے اور محمد شیر کی بہو رابعہ کو لے کر رفو چکر ہو گئے ۔تھانہ چناب نگر نے محمد شیر کی مدعیت میں مقدمہ نمبر 344زیر دفعات 496A/33/7J درج کر لیا اور تفتیش شروع کر دی۔