کراچی(اسٹاف رپورٹر) جشن آزادی پر پاک بحریہ کی قیادت 100کشتیوں کی ریلی نکالی گئی۔پاک بحریہ کی جانب سے جشن آزادی کچھ منفرد انداز میں منایا گیا کہ سمندر میں بھی پاکستان زندہ باد کے نعرے بلند ہوتے رہے ۔سمندر میں بھی آزادی کا جشن عروج پر رہا ۔ منگل کو جشن آزادی کے موقع پرپاک بحریہ کی سربراہی میں نکالی گئی ریلی میں 100 سے زائد کشتیوں نے حصہ لیا ۔منوڑہ اور بھٹ آئی لینڈ کے ماہی گیروں نے ریلی میں شامل اپنی کشتیوں کو پاکستانی پرچموں اور جھنڈیوں سے سجارکھا تھا ۔ ریلی میں شامل ماہی گیر بچوں اور بڑوں سب کا جذبہ قابل دیدتھا۔