کراچی(امت نیوز)71 واں جشن آزادی جہاں پوری قوم بھرپور جوش وجذبے سے منارہی ہے وہیں پاکستانی کھلاڑی بھی یہ دن پورے جوش سے منارہے ہیں قومی کھلاڑیوں نے یوم آزادی کے موقع پر پوری قوم کو جشن آزادی کی مبارکباد دی ہے۔قومی کرکٹر سعید اجمل نے تمام لوگوں کو جشن آزادی کی مبارکباد دیتے ہوئے پیغام دیا ’’ یہ آپ کا اپنا ملک ہے، ملک سے محبت کریں، ملک کو صاف ستھرا رکھیں اور کوشش کریں کہ ایک دوسرے کی مدد کریں پاکستان زندہ باد۔‘‘آل راؤنڈر محمد حفیظ نے پیغام دیا کہ پاکستان کو قائد اعظم نے بنایا اب ہم اس کو ترقی دینگے۔قومی کھلاڑی کامران اکمل نے ٹوئٹر پر ویڈیو کے ذریعے تمام لوگوں کو جشن آزادی کی مبارکباد دی۔عمر اکمل نے قومی ترانے کی ایک بہت خوبصورت ویڈیو شیئر کراتے ہوئے تمام لوگوں کو جشن آزادی کی مبارکباد دی۔