حب(نمائندہ امت)پولیس نے بابا لاڈلہ گروپ کے اہم کارندے کو حب میں بموں اور اسلحہ کے ہمراہ گرفتار کرنے کا دعویٰ کیا۔ڈی ایس پی حب سرکل دولت خان ترین نے ایس ایچ او حب سٹی گل حسن بلوچ اور انچارج سی آئی اے عطاءاللہ نمانی کے ہمراہ پریس بریفنگ میں دعویٰ کیا کہ گزشتہ دنوں اسنیپ چیکنگ کے دوران لیاری گینگ وار بابا لاڈلہ گروپ کے اہم کارندے نوشاد کو گرفتار کرکے2ہینڈ گرینیڈ اور پستول برآمد کیا ہے۔ 14اگست کے سلسلے میں شہر میں ناخوشگوار واقعات رونما ہونے کے حوالے سے تھریٹ تھے، جس پر سرچ آپریشن اور اسنیپ چیکنگ شروع کی تھی۔اسنیپ چیکنگ کے دوران ملزم بابا لاڈلہ گروپ کا اہم کارندہ نوشاد دھرلیا گیا۔انہوں نے کہا کہ سی آئی اے پولیس نے ملیر کراچی میں کاروائی کر کے قتل کے مقدمے میں 2ملزمان آصف اور اصغر کو گرفتار کرلیا ہے۔