کراچی باسکٹ بال ٹورنامنٹ میں بائونس کلب اور کلفٹن کی کامیابی

کراچی (امت نیوز) کراچی باسکٹ بال ایسوسی ایشن (کے بی بی اے) کے زیراہتمام آرام باغ باسکٹ بال کورٹ پر کھیلے جانے والے ’’یوم آزادی باسکٹ بال ٹورنامنٹ‘‘ میں مزید 2 میچوں کے فیصلے ہوگئے۔ پہلے میچ میں بائونس کلب نے کراچی یوتھ کلب کو 43-24 سے مات دے دی۔ فاتح کلب کی جانب سے سیف اللہ 13، مبشر حسین 10 اور اسحاق نوشیروانی نے 10 جبکہ رنر اپر کلب کی جانب سے وسیم رائو 10، اوسید سعید 8 اور دانیال جمیل نے 4 پوائنٹس سکور کرکے نمایاں رہے۔ کھیلے گئے دوسرے میچ میں کلفٹن کراس اوور کلب نے آرام باغ باسکٹ بال کلب کو 43-35 سے شکست دے دی۔