کراچی (پ ر) رواں سال جشن آزادی منفرد انداز میں منایا گیا۔ ملک بھر میں سیاسی جماعتوں کے رنگ برنگے جھنڈوں کی جگہ ہر سمت صرف سبزہلالی پرچم کی بہار نظرآئی۔ زندہ اقوام اپنی آزادی کا جشن شایان شان انداز میں مناتی ہیں۔ حافظ نسیم الدین آنکھوں والوں سے زیادہ دیکھتے ہیں۔ بیناؤں سے زیادہ شعور رکھتے ہیں اور عام لوگوں سے زیادہ تندہی سے متحرک ہیں۔ معلومات عامہ آج کی سب سے بڑی طاقت ہے۔ نوجوانوں کو اس جانب راغب کرنے کا فریضہ پاکستان کوئز سوسائٹی تواتر سے انجام دے رہی ہے۔ ان خیالات کا اظہار سینئر صحافی محمود شام نے جشن آزادی کوئز رننگ ٹرافی کیلئے بین الکلیاتی و جامعاتی مقابلہ معلومات بعنوان پاکستان21 ویں صدی میں کی۔ تقریب تقسیم انعامات سے بحیثیت مہمان خصوصی خطاب کرتے ہوئے ڈی جے سائنس کالج میں کیا۔ تقریب سے پروفیسر شہزاد مسلم، محفوظ یار خان، پی کیو ایس کے بانی چیئرمین پروفیسر حافظ نسیم الدین و دیگر نے بھی خطاب کیا۔