کراچی(اسٹاف رپورٹر)ڈیفنس پولیس نے قائد آباد کے علاقے سے جمعہ کے روز بچہ اغواء کرنے والے اغوا کار کو گرفتار کرکے بچے کو بازیاب کروالیا۔ملزم بچے کو بھیک منگوانے کے لیے اغوا کر رہا تھا۔تفصیلات کے مطابق ڈیفنس پولیس نے کارروائی کرتے ہوئے اغواءکار شاہد خان کو گرفتار کرکے مغوی بچے ماجد علی کو بازیاب کرالیا۔ایس ایچ او عزیز شیخ نے امت کو بتایا کہ ملزم نے بچے کو قائد آباد کے علاقے سے جمعہ کو اس وقت اغوا کیا، جب وہ اپنے گھر کے باہر کھیل رہا تھا۔اغواءکار بچے کو لے کر جارہا تھا کہ پولیس نے ملزم کو پکڑ کر بچے کو بازیاب کروالیا۔ملزم نے دوران تفتیش بتایا ہے کہ اس نے بچے کو منگوانے کے لیے اغوا کیا تھا۔