لاہور (خبرایجنسیاں) پنجاب اسمبلی میں اپوزیشن لیڈر حمزہ شہباز شریف نے وزیر اعلیٰ کے انتخاب کے بعد ایوان سے خطاب کرتے ہوئے اسپیکرپنجاب اسمبلی چوہدری پرویز الٰہی کے ساتھ اپنی بیتی ہوئی یادیں تازہ کیں – انہوں نے اسپیکر سے مخاطب ہوتے ہوئے کہا کہ آپ بھی کبھی مسلم لیگ ن کا حصہ تھے اور پھر جب بے نظیر بھٹو کے دور میں ایک جھوٹے کیس میں مجھے چھ ماہ اڈیالہ جیل میں رہنا پڑا اور اس وقت میں کالج میں اسٹوڈنٹ تھا تو جیل میں آپ مجھے دلاسہ دیتے رہے-ایک موقع پر جب آپ میری حوصلہ افزائی کے لئے میرے پاس آئے تو میں اپنے والد کو خط لکھ رہا تھا ،آپ نے جب وہ خط پڑھا تو آپ نے کہا کہ میں تو آپ کا حوصلہ بڑھانے کے لئے آیا تھا لیکن آپ تو اس خط کے ذریعے ہمارے حوصلے بڑھا رہے ہیں۔