اسلام آباد (امت نیوز)پاکستان ہاکی فیڈریشن کی جانب سے وزارت عظمیٰ کاعہدہ سنبھالنے پر عمران خان کو مبارکباد،صدر پی ایچ ایف بریگیڈئیر(ر) خالد سجاد کھوکھر کی جانب سے عمران خان کے لیے نیک خواہشات کا اظہار-عمران خان کے وزیراعظم منتخب ہونے پر مبارکباد دیتے ہوئے صدر پاکستان ہاکی فیڈریشن بریگیڈئیر(ر) خالد سجاد کھوکھر نے کہا کہ وزیر اعظم عمران خان کھیلوں سمیت ہر شعبے میں ملک کی حالت بہتر بنائیں گے،عمران خان صرف جیت پر یقین رکھتے ہیں،مید ہے عمران خان چیمپئین وزیر اعظم ثابت ہوں گے،ان کا کہنا تھا کہ عمران خان سے ہر شعبہ زندگی کے لوگوں کو بہت سی توقعات ہیں اور اپنے عزم سخت محنت سے وہ ان توقعات پر پورا اتریں گے،1994 کے ورلڈکپ ونر کپتان ،سیکرٹری پی ایچ ایف اولیپئین شہباز احمد سینئیر نے مبارلباد دیتے ہوئے کہا ہے کے ایک کھلاڑی کے وزیراعظم بننے پر بہت خوش ہوں،ورلڈکپ ونر کپتان پورے ملک کو جیت کی راہ پر ڈال دیں گے،ان کا جذبہ اور سخت محنت انہیں کامیابی دے گا،شہباز احمد سینئیر کا کہنا تھا کہ عمران خان مسائل سے بخوبی آگاہ ہیں،بطور کھلاڑی اور بطور سیاستدان ان کی جدوجہد سب کے سامنے ہے وہ جیت تک پیچھے ہٹنے والے نہیں۔