عمران خان کا کرکٹ کیرئر شاندار فتوحات سے بھرپور رہا

لاہور (امت نیوز ) قومی لیجنڈ کرکٹر عمران خان کا کیرئر شاندار فتوحات سے بھرپور ہے، بھارت کے خلاف تاریخ کی پہلی ٹیسٹ سیریز جیت ہو یا بانوے کے ورلڈ کپ کی بے مثال کامیابی، سب عمران خان کی قیادت میں ہی ممکن ہوا۔شوق، لگن، اور صلاحیتوں پر بھروسہ ہو تو کوئی کام مشکل نہیں، عمران خان نے اپنے کرکٹ کیرئر میں کئی بار یہ بات سچ کر دکھائی۔ 1971 میں کیرئر کا آغاز کرنے والے کھلاڑی کو بہت جلد بڑے کرکٹرز میں شمار کیا جانے لگا۔انہوں نے پہلے فاسٹ بائولر کی حیثیت سے لوہا منوایا، پھر اپنی بیٹنگ سے حریف بائولرز کے چھکے چھڑائے، وہ 20 برس تک دنیا کے بہترین آل راؤنڈر رہے۔قومی لیجنڈ نے 1982 میں ٹیم کی قیادت سنبھالی تو پاکستان کا شمار دنیا کی بہترین ٹیموں میں ہونے لگا۔