اسلام آباد( نمائندہ امت)وزیر ریلوے شیخ رشید نے ملک کے مختلف شہروں کے 32 ریلوے اسٹیشنز اپ گریڈ کرنے کا اعلان کیا ہے۔وزارت کا چارج سنبھالنے کے بعدپریس کانفرنس کرتے ہوئے انکاکہنا تھا کہ ٹریک کے دونوں اطراف درخت لگائیں گے، ریلوے اسٹیشنوں پر پلازے اور فوڈ اسٹریٹس بنائیں گے۔جبکہ وفاقی وزیر صحت عامر محمود کیانی نے بھی اپنی ذمہ داریاں سنبھال لی ہیں۔ سیکرٹری ہیلتھ کیپٹن(ر) زاہدسعید،ڈی جی ہیلتھ اور دیگر افسران نے وزیرصحت کو وزارت کے امور پر بریفنگ دی۔