پاکستان ہاکی ٹیم آج عمان کے خلاف مدمقابل

جکارتہ(امت نیوز) پاکستان ٹیم ہاکی ٹیم ایشیئن گیمز فیلڈ ہاکی ایونٹ میں اپنا دوسرا میچ بدھ کو عمان کے خلاف کھیلے گیا۔ اٹھارہویں ایشیئن گیمز مینز میں فیلڈ ہاکی ٹورنامنٹ کا آغاز ہوچکا ہے جس میں میں شائقین ہاکی کو انتہائی دلچسپ اور کانٹے دار مقابلے دیکھنے کو ملیں گے ۔ انڈونیشیا میں جاری میگا گیمز ہاکی ٹورنامنٹ پیر سے شروع ہو چکا ہے جس میں ایشیاء کی 12 ٹیمیں طلائی تمغے کے حصول کیلئے ایکشن میں دکھائی دیں گی، ٹیموں کو دو مختلف گروپس میں تقسیم کیا گیا ہے، گروپ اے میں بھارت، جنوبی کوریا، جاپان، سری لنکا، ہانگ کانگ اور انڈونیشیا جبکہ گروپ بی میں پاکستان، ملائیشیا، بنگلہ دیش، اومان، تھائی لینڈ اور قازقستان شامل ہیں، پاکستانی ٹیم ایونٹ میں اپنا دوسرا میچ 22 اگست کو اومان، تیسرا میچ 24 اگست کوقازقستان ، چوتھا میچ 26 اگست کو ملائیشیا جبکہ پانچواں اور آخری میچ 28 اگست کو بنگلہ دیش کے خلاف کھیلے گی۔