جکارتہ (امت نیوز) اٹھارہویں ایشیئن گیمز مینز فٹ بال ایونٹ کا ناک آئوٹ مرحلہ (کل) جمعرات سے شروع ہوگا۔ پاکستان نے نیپال کو شکست دے کر ناک آئوٹ مرحلے میں جگہ بنا لی۔ انڈونیشیا میں جاری میگا گیمز میں مینز فٹ بال ایونٹ میں گروپ ڈی کے میچ میں پاکستانی ٹیم نے شاندار کھیل پیش کرتے ہوئے حریف نیپال کو 1 کے مقابلے میں 2 گولز کر کے پہلی فتح کا مزہ چکھ لیا، اس کامیابی کے ساتھ ہی گرین شرٹس نے پری کوارٹر فائنل کیلئے بھی کوالیفائی کر لیا اور پری کوارٹر فائنل مرحلہ کل جمعرات سے شروع ہوگا۔ فٹ بال ٹورنامنٹ میں کوارٹر فائنل مرحلہ 26 اگست سے شروع ہوگا اور دونوں سیمی فائنلز 29 اگست کو کھیلے جائینگے۔