کراچی(اسٹاف رپورٹر) سوشل میڈیا پر فکس اٹ کے عالمگیر اور میئرکراچی وسیم اختر پر عید کے روز سوشل میڈیا پر شہریوں نے کڑی تنقید کی ۔ سوشل میڈیا پر جاری ایک بیان میں فکس اٹ کے عالمگیر نے میئرکراچی وسیم اختر پر تنقید کی کہ آپ کا کام صفائی ستھرائی کرنا ہے جو ہمیں کرنا پڑرہا ہے‘جس پر میئرکراچی نے بھی جواب دیا کہ فکس اٹ کیا ہے عالمگیر کون ہے میں نہیں جانتا‘ تاہم سوشل میڈیا پر میئرکراچی کے اس بیان کو شدید تنقید کا نشانہ بنایا گیا بعدازاں دیگر صارفین نے سوشل میڈیا پر اپنے اپنے علاقوں کی تصاویر اپولوڈ کی اور لکھا کہ کہ عالمگیر آپ عمران خان کا علاقہ چھوڑیں ، سرجانی کی طرف رخ کریں‘کسی نے کہا کہ عالمگیر نمائشی کارروائی کرنے سے گریز کریں اور لانڈھی کورنگی کی طرف بھی تھوڑا دھیاں دے‘ایک صارفین نے عالمگیر کی تصاویر پر لکھا کہ آپ این اے 243میں عمران خان کی جگہ الیکشن لڑنے کی تیاری کررہے ہیں۔