لاہور (امت نیوز) ورلڈ کپ ٹرافی 2019ء کے سفر کا آغاز 27 اگست کو دبئی سے ہو گا جبکہ پاکستان میں ٹرافی 3 اکتوبر کو پہنچے گی۔تفصیلات کے مطابق کرکٹ ورلڈ کپ 2019ء کے سفر کا آغاز رواں برس 27اگست کو دبئی سے شروع ہوجائے گا۔ ٹرافی 5 برِاعظموں 21ممالک اور 60شہروں کا سفر کرے گی۔ پاکستان میں ورلڈ کپ ٹرافی 3 اکتوبر کو پہنچے گی جو 13اکتوبر تک 10دن پاکستان میں ہی رہے گی جبکہ ٹرافی کی رونمائی 4اکتوبر کو قذافی اسٹیڈیم میں کی جائے گی۔دوسری جانب انٹرنیشنل کرکٹ کونسل کی جانب سے ورلڈ کپ 2019ء کے شیڈول کا باضابطہ اعلان کردیا گیا ہے۔ ٹورنامنٹ کی میزبانی کا اعزاز انگلینڈ اور ویلز کو حاصل ہوا ہے اور ورلڈ کپ کے مقابلے اگلے برس 30مئی سے 14جولائی تک شیڈول ہیں۔