آسٹریلیا میں ٹیلنٹ ناپید ہو چکا ہے-شین وارن

لاہور(امت نیوز)آسٹریلوی ٹیم کے سابق لیجنڈری لیگ اسپنر شین وارن کا کہنا ہے کہ اسٹریلیا میں ٹیلنٹ ناپید ہو چکا ہے۔ نوبت یہاں تک آ گئی ہے کہ پورے ملک سے چھ باصلاحیت بلے باز نہیں مل رہے۔ شین وارن نے سسٹم پر سوالات اٹھاتے ہوئے کہا کہ ٹیلنٹ سامنے کیوں نہیں آرہا ہے؟ اس وقت ٹیم میں جو کھلاڑی موجود ہیں ان میں ایک بھی سپرسٹار بننے کے قابل نہیں۔ اگر ہماری بولنگ لائن اچھی نہ ہو تو اس سے بھی برا حال ہو جو اس وقت ہے۔اس موقع پر سابق بلے باز مائیکل ہسی نے کہا کہ نوجوان کھلاڑی جو ٹیم میں شامل ہو رہے ہیں انھیں پرفارم کرنا پڑے گا کیونکہ ہر مرتبہ سینیئر پرفارم نہیں کرسکتے۔