فیصل آباد (صباح نیوز) بھتہ نہ دینے پرملزمان نے معروف اسٹیج اداکارہ شیزہ بٹ کی گاڑی پر فائرنگ کر دی جس کے نتیجے میں ان کا شوہر زخمی ہو گیا۔پولیس رپورٹ کے مطابق اسٹیج اداکارہ شیز ا بٹ مقامی تھیٹر میں پرفارم کرنے کیلئے فیصل آباد آئی تھی کہ بھتہ خوروں نے ان کے شوہر کےکال کر کے 25 ہزار روپے بھتہ مانگا۔24اگست کو شیزہ بٹ تھیڑ میں پرفارمنس کیلئے پہنچی تو ملزمان نےانکی گاڑی پر فائرنگ کردی، جس کے نتیجہ میں ان کا شوہر مٹھو بٹ بازو میں گولی لگنے سے زخمی ہوگیا۔پولیس نےایک نامزد اور دو نامعلوم افراد کے خلاف انسداد دہشت گردی کی دفعہ کے تحت مقدمہ درج کر کے تحقیقات شروع کردی ۔