کراچی (اسٹاف رپورٹر) پولیس نے مختلف علاقوں سے خاتون ڈکیت سمیت 30ملزمان کو گرفتار کرکے اسلحہ اور منشیات برآمد کرلی۔ تفصیلات کے مطابق ماڈل کالونی، سعود آباد ،زمان ٹاون اور شاہ فیصل کالونی سے مفرور ملزمان مرتضیٰ ،محسن،نسرین ،گٹکا مافیا کے کارندے عدنان ، اعظم خان منظور احمد ،رمضان ، منظور، عثمان ، عدنان اور منشیات فروش زاہد کو گرفتار کرلیاگیا ، عوامی کالونی سے 2ملزمان سلمان اور ندیم احمد پکڑے گئے اور ان سے اسلحہ موٹرسائیکل برآمد کرلی گئی جبکہ منشیات فروش عدنان بیگ کو بھی گرفتار کرلیا،کورنگی پولیس نے مفرور ملزم عاصم کو گرفتار کرکے سیاہ شیشے والی3کاریں اور بغیر کاغذات والی 4 موٹر سائیکلیں ضبط کرلیں جبکہ مزمل ،حنیف،نجیب اللہ ،طاہر،رضا اور فرقان کو گرفتار کرلیا، الفلاح پولیس نے4مفرور ملزمان عبدالنوید،گل حسن، عبدالوحید، عبدالجبار اورخاتون ڈکیت شبانہ کو گرفتار کرلیا، لانڈھی اور کورنگی صنعتی ایریا پولیس نے منشیات فروشوں بہادرتیمور علی اور حیدرعلی کے علاوہ 4مفرور ملزمان احتشام ،اسامہ ،غنی اور شاہین کو گرفتار کرلیا۔