کراچی(اسٹاف رپورٹر) پولیس نے ایدھی فاؤنڈیشن کی چوری ہونے والی ایمبولینس برآمد کرکے چوری میں ملوث ایمبولینس ڈرائیور کو گرفتار کرلیا۔ گزشتہ روز سمن آباد کے علاقے سے ایدھی فاؤنڈیشن کی ایمبولینس نمبر ای اے 5084 چوری ہوئی تھی، جس کی اطلاع پر پولیس نے ایمبولینس کی تلاش شروع کرتے ہوئے ڈرائیور شاہد سے پوچھ گچھ کی تو ڈرائیور نے ایمبولینس چوری کا اعتراف کیا جس پر پولیس نے ملزم کی نشاندہی پر لیاری کے علاقے ایمبولینس برآمد کرلی، پولیس کا کہنا ہے کہ گرفتار ملزم نشے کا عادی ہے اور پیسوں کے لئے ہی ایمبولینس چوری کی تھی۔