لاہور(امت نیوز)سابق ٹیسٹ کرکٹر صادق محمد نے کہا ہے کہ پی سی بی کے چیئرمین نجم سیٹھی نے نکالے جانے کی بجائے باعزت طریقہ سے استعفی دے کر درست فیصلہ کیا ہے اور اب وزیر اعظم عمران خان کو ایماندار سابق کرکٹرز کو بھی پی سی بی میں ذمہ داریاں دینی چاہئے میڈیا سے خصوصی گفتگو کرتے ہوئے انہوں نے کہاکہ نجم سیٹھی عمران خان کے وزیر اعظم منتخب ہونے سے قبل استعفی دینا چاہئے تھا ،نجم سیٹھی نے چانس لیا کہ شاید محمد شہباز شریف وزیر اعظم منتخب ہوجائیں تو ان کی چیئرمین شپ بچ جائے لیکن ایسا نہ ہوسکا ، بالاخر نجم سیٹھی کو عمران خان کے وزیر اعظم کا حلف اٹھانے کے بعد اپنے عہدہ سے استعفی دینا پڑا ۔