کراچی(اسٹاف رپورٹر)مختلف علاقوں میں گاڑیوں کی ٹکر سے معصوم بچی سمیت 4 افراد جاں بحق ہوگئے۔تفصیلات کے مطابق شاہ لطیف کے علاقے جوگی موڑ کے قریب گاڑی کی ٹکر سے 45سالہ شخص غلام مصطفی ولد گل احمد جاں بحق ہوگیا۔ سفاری پارک یونیورسٹی روڈ پر گاڑی کی ٹکر سے35سالہ نامعلوم شخص چل بسا۔سپر ہائی وے جمالی پل پر تیز رفتار گاڑی نے موٹر سائیکل کو کچل دیا، حادثے کے نتیجے میں موٹر سائیکل پر سوار ڈھائی سالہ اقراء دختر جاوید موقع پر ہی جاں بحق ہوگئی، جبکہ 2افراد معمولی زخمی ہوگئے۔کورنگی سنگر چورنگی کے قریب گاڑی کی ٹکر سے موٹر سائیکل سوار 32سالہ عمران علی ولد معشوق علی موقع پر ہی جاں بحق ہوگیا۔