لاہور/کوئٹہ( نمائندہ خصوصی /مانیٹرنگ ڈیسک) پنجاب اوربلوچستان کی کابینہ نے حلف اٹھالیا پنجاب کابینہ 23 اور بلوچستان کابینہ میں 10 وزرا شامل ہیں۔تفصیلات کے مطابق پنجاب کی نومنتخب کابینہ نے گورنر ہاؤس میں حلف اٹھا لیا، قائم مقام گورنر چودھری پرویز الہٰی نے اراکین سے حلف لیا۔پنجاب کی 23رکنی کابینہ کی حلف برداری تقریب، قائم مقام گورنر پنجاب پرویز الہٰی نے گورنر ہاؤس میں حلف لیا۔ وزیر اعلیٰ پنجاب عثمان بزدار کی ٹیم میں حافظ ممتاز احمد کو ایکسائز، ٹیکسیشن اینڈ نارکوٹکس کنٹرول کا محکمہ دیا گیا ہے۔ گورنر بلوچستان محمد خان اچکزئی نے 10رکنی کابینہ سے حلف لیا۔ جام کمال کی کابینہ میں عارف محمد حسانی، سرفراز چکڑ ڈومکی، زمرک خان اچکزئی، نور محمد دمڑ، نواب زادہ طارق خان مگسی، میر ضیاءلانگو، ظہور احمد بلیدی، نصیب اللہ مری، سلیم احمد کھوسہ اور سردار صالح بھوتانی شامل ہیں تاہم انہیں تاحال قملدان نہیں سونپے گئے۔