اسلام آباد (مانیٹرنگ ڈیسک) تحریک انصاف کی جانب سے وی آئی پی کلچر کے خاتمے اور سادگی اختیار کرنے کے دعوے کا پول کھل گیا۔ وزیراعلیٰ پنجاب عثمان بزدار کی جانب سے اپنے اہلخانہ کے ہمراہ خصوصی طیارے میں اسلام آباد کے سفر کی تصاویر وائرل ہوگئیں۔ ویڈیو کو سوشل میڈیا پر شدید تنقید کا نشانہ بنایا جارہا ہے۔ معروف اینکر ثنا بچا نے پوسٹ کی کہ ان کے علاقے میں بجلی نہیں ہے مگر ان کےپاس اپنا طیارہ ضرورہے۔ عوام نے بھی تنقید کی ہے۔ واضح رہے کہ عمران خان نے عثمان بزدار کی وزیراعلیٰ کی تعیناتی پر دعویٰ کیا تھا کہ اس کا تعلق ایک پسماندہ علاقے سے ہے اور وہاں بجلی بھی نہیں ہے۔ ان کے دعووں کے برعکس وزیراعلیٰ پنجاب خصوصی طیارے میں اسلام آباد پہنچے ہیں۔