دبئی(امت نیوز) شاہد آفریدی اور مصباح الحق سمیت دیگر ٹاپ کرکٹرز اولین افغان پریمیئر لیگ میں حصہ لیں گے۔ افغان لیگ کے آرگنائزرز نے کہاکہ کئی سابق اور موجودہ عالمی ٹی 20 اسٹارز نے شرکت کی تصدیق کی ہے، جن میں شاہد آفریدی، مصباح الحق، برینڈن میک کولم، کرس گیل اور کمار سنگاکارا بھی شامل ہیں، ایونٹ میں یو اے ای کے زیادہ ترکھلاڑیوں کی شرکت متوقع ہے۔ 5 سے 23 اکتوبر تک شارجہ میں ہونیوالے ایونٹ میں شریک 5 ٹیمیں افغان صوبوں کی نمائندگی کریں گی۔