اسلام آ باد (نمائندہ امت ) 5 رکنی ڈکیت گروہ سمیت 13ملزمان کو گرفتار کر کے مسروقہ کار ، 268بوتلیں معہ 90لیٹر کھلی شراب ،چرس اور اسلحہ برآمد کر لیا گیا۔مخبر کی اطلاع پر ملزمان آصف جاوید ولد اللہ دتہ ، امجد اقبال ولد لیاقت علی ، شہزاد احمد ولد شہادت علی سا کنا ہائے چک نمبر 534گ پ جڑانوالہ ضلع فیصل آباد ،سلیم مسیح عرف بیری سکنہ رتیاں آرائیاں شیخوپورہ حال کورنگ ٹاوٴن اور حق نواز ولد مختار احمد سکنہ مٹیلہ تحصیل کوٹ مومن ضلع سرگودھا کو گرین ایریا نزد کھو کھر ہوٹل پر چھاپے میں گرفتار کیا گیا۔ ملزمان سے وارداتوں میں استعمال ہونے والے 2 پسٹل معہ ایمونیشن برآمد اور گاڑی قبضہ میں لے لی گئی۔تھانہ لوہی بھیر میں3مقدمات درج کر کے مجاز عدالت سے ملزمان کاجسمانی ریمانڈ حاصل کر لیا گیا ۔ابتدائی تفتیش میں ملزمان نے متعدد انکشافات کئے۔دریں اثناء کھنہ میں یونس مسیح سے 248بوتلیں شراب معہ 90لیٹر شراب ،عاقب شہزاد سے پسٹل 30بور معہ ایمو نیشن ، عامرمسیح سے 1050 گرام چرس برآمد جبکہ انڈسٹریل ایریا میں برکان مسیح سے مسروقہ کار رجسٹریشن نمبر LOM-4555برآمد کر لی گئی۔ شمس کالونی پولیس نے ملزم محمد اسامہ کو بغیر اجازت پٹرول فروخت کرنے پر گرفتار کر لیا۔بہارہ کہو میں محمد عدیل اور محمد شفیق سے 425گرام چرس اور خنجر ،آبپارہ کے علاقے میں شہباز انور سے 20بوتلیں شراب برآمد ہوئیں ۔