کراچی (اسٹاف رپورٹر) برنس روڈ پر بیکری کے پیکنگ ڈپارٹمنٹ میں آگ لگنے سے لاکھوں روپے مالیت کا سامان جل گیا۔ تفصیلات کے مطابق آرام باغ کے علاقے برنس روڈ پر واقع معروف بیکری کی چھت پر قائم پیکنگ ڈپارٹمنٹ میں منگل وبدھ کی درمیانی شب ساڑھے 3بجے اچانک آگ بھڑک اٹھی، جس کی اطلاع ملتے ہی فائر بریگیڈ کی ایک گاڑی موقع پر پہنچ گئی اور آگ پر قابو پانے کی کوشش شروع کردی۔ ترجمان نے بتایا کہ آگ پر ایک گھنٹے کی جدوجہد کے بعد قابو پالیا گیا، آگ لگنے سے لاکھوں روپے مالیت کا سامان جل گیا جبکہ آتش زدگی لگنے کی وجہ معلوم نہیں ہو سکی ہے۔