کراچی(اسٹاف رپورٹر) پولیس نے مختلف علاقوں سے متحدہ لندن کے ٹارگٹ کلر اور 2بھتہ خوروں سمیت 27 ملزمان کو گرفتار کرکے اسلحہ اور منشیات برآمد کرلی۔تفصیلات کے مطابق اقبال مارکیٹ پولیس نے متحدہ لندن کے ٹارگٹ کلر احسن عرف چھوٹا کھلنائیک کو گرفتار کرکے اسلحہ برآمد کرلیا، جبکہ 2مفرور ملزمان منیر، محمد خان اور ایک منشیات فروش ظفر بلو چ کو بھی پکڑ کر ایک کلو چرس برآمد کرلی۔کورنگی پولیس نے پٹرول پمپ کے منیجر سے بھتہ لینے والے 2ملزمان دانیال اور فراز کو گرفتار کر کے 2پستول موٹرسائیکل اور رقم برآمد کرلی۔ پیرآباد پولیس نے2ملزمان فضل سبحان، شوکت خان، کورنگی صنعتی ایریا پولیس نے گٹکا فروش خیال، ماڈل کالونی پولیس نے ملزم عابد، الفلاح پولیس نے ملزم امتیاز مگسی، کورنگی پولیس نے 2ملزمان نسیم ، افضل، زمان ٹاؤن پولیس نے2ملزمان شیر خان، سفیان، زمان ٹاؤن پولیس نے ملزم یاسین، عوامی کالونی پولیس نے ملزم سید قسم، سعود آباد پولیس نے 2ملزمان وسیم، اظہر، ناظم آباد پولیس نے2ملزمان فضل خالق، سمیع اللہ، سمن آباد پولیس نے منشیات فروشوں عاشق حسین، عبدالمجید، کھارادر پولیس نے ملزم اصغر، سرسید پولیس نے 3ملزمان آدم خان، توحیدحسین اور مہتاب علی کو گرفتار کرلیا۔