لندن(امت نیوز) صدر مملکت ممنون حسین نے کہا ہے کہ 55 روپے میں ہیلی کاپٹر پر ایک کلومیٹر کا فاصلہ طے کرنا ممکن نہیں، نوازشریف کی رہائی میں کوئی کردار ادا نہیں کرسکتا، صدارتی انتخاب سیاسی جماعتوں کا کام ہے۔ اپنے 5 روزہ نجی دورے کے دوران بیگم کلثوم نواز کی اسپتال میں عیادت کے بعد وطن واپسی کے موقع پر لندن میں میڈیا سے گفتگو کے دوران صدر مملکت کا کہنا تھا کہ عام انتخابات میں دھاندلی پر پی ٹی آئی سمیت تمام سیاسی جماعتوں کے اعتراضات ہیں، الیکشن کمیشن اور حکومت سیاسی جماعتوں کو مطمئن کریں۔ برطانیہ میں پاکستانی ہائی کمشنر صاحبزادہ احمد خان نے صدر ممنون حسین کو رخصت کیا۔