کراچی/ حیدر آباد/مردان/ بنوں(اسٹاف رپورٹر/نمائندگان) ہالینڈ میں گستاخانہ خاکوں کی نمائش کے خلاف سندھ اور خیبر پختون میں احتجاج اور ریلیوں کا سلسلہ جاری رہا۔اہلسنت و الجماعت نے یوم شہادت سیدنا عثمان غنیؓ کے موقع پر کراچی سمیت ملک بھر میں گستاخانہ خاکوں کے خلاف جلوس نکالے۔ کراچی میں لسبیلہ چوک پر تحفظ ناموس رسالتؐ و مدح صحابہؓ مطالباتی جلوس سے خطاب کرتے ہوئے علامہ اورنگزیب فاروقی، علامہ رب نوازحنفی، تاج حنفی و دیگر نے کہا کہ نبی آخرالزماںؐ کی کسی بھی طرح توہین ناقابل برداشت ہے۔