لاہور(امت نیوز) سلیکٹرز کو بھولے بسرے عماد وسیم کی پھر یاد آگئی،ایشیا کپ کیلیے منتخب 18 ممکنہ کھلاڑیوں میں آل راؤنڈر کا نام بھی شامل ہے۔ایشیا کپ یواے ای میں 15ستمبر کو شروع ہوگا، انضمام الحق کی زیرسربراہی کام کرنے والی سلیکشن کمیٹی نے کوچ مکی ا?رتھر اور کپتان سرفراز احمد سے مشاورت کے بعد تربیتی کیمپ کیلیے 18کرکٹرزکا اعلان کردیا،رواں سال فروری میں پی ایس ایل کے دوران انجرڈ ہونے کے بعد مسلسل انٹرنیشنل کرکٹ سے دور رہنے والے عماد وسیم بھی کیمپ کا حصہ ہونگے۔گزشتہ سال اکتوبر میں سری لنکا سے ون ڈے کے بعد کوئی انٹرنیشنل میچ نہ کھیل پانے والے ال راؤنڈر پی ایس ایل میں کراچی کنگز کی نمائندگی کرتے ہوئے زخمی ہوئے، اس کے بعد رویہ درست نہ ہونے کی وجہ سے نظر انداز کیے جانے کی بازگشت بھی سنائی دیتی رہی،دورئہ زمبابوے میں ٹی ٹوئنٹی ٹرائنگولر سیریز کے بعد ایک روزہ میچز کیلیے بھی انھیں زیر غور نہیں لایا گیا۔عماد وسیم نے حال ہی میں کیریبیئن پریمیئر لیگ میں جمیکا تلاواز کی جانب سے ایکشن میں نظرائے ہیں، ٹیسٹ مزاج کے حامل شان مسعود کو حیران کن طور پر اسکواڈ میں شامل کرلیا گیا ہے، اوپنر نے اب تک 12ٹیسٹ میں 23.54کی اوسط سے 565رنز بنائے اور ون ڈے ڈیبیو کے منتظر ہیں۔