لاہور (مانیٹرنگ ڈیسک ) پاک بحریہ کا ہیلی کاپٹر بحیرہ عرب میں حادثے کا شکار ہو گیاہے جس میں عملے کا ایک رکن شہید ہو گیا ۔تفصیلات کے مطابق پاک بحریہ کے ترجمان کے مطابق ہیلی کاپٹر معمول کی آپریشنل پرواز پر تھا جو کہ بحرہ عرب میں حادثے کا شکار ہو گیاہے جس کے باعث عملے کا ایک رکن شہید ہو گیاہے جس کے بعد امداد ی کارروائیاں شروع کر دی گئیں ہیں ۔ ہیلی کاپٹر میں سوار افراد کی تعداد کے حوالے سے اور ہیلی کاپٹر کے ماڈل کے حوالے سے تاحال کوئی تفصیلات موصول نہیں ہوئی ہیں ۔ ترجمان پاک بحریہ کے مطابق حادثے کا شکار ہونے والا ہیلی کاپٹر بحیرہ عرب میں معمول کی آپریشنل پرواز کر رہا تھا۔پاک بحریہ ذرائع کا کہنا ہے کہ ہیلی کاپٹر حادثے میں عملے کے ایک رکن نے جام شہادت نوش کیا ہے۔جبکہ حادثے کی وجوہات تاحال سامنے نہیں آئی ہیں۔