کراچی (اسٹاف رپورٹر)خواجہ اجمیر نگری پولیس نےموٹر سائیکلیں چوری و چھین کر بلوچستان لے جا کر فروخت کرنے والے2ملزمان کو گرفتار کرکے اسلحہ اور 2موٹر سائیکلیں برآمد کرلیں ، تفصیلات کے مطابق خواجہ اجمیر نگری پولیس نے دو ملزمان مشتاق لشاری اور عبدالمنان بروہی کو گرفتار کرکے انکے قبضے سے اسلحہ ، منشیات اور دو موٹر سائیکلیں برآمد کرلیں۔ پولیس کے مطابق گرفتار ملزمان عادی مجرم ہیں اور انہوں نے دوران تفتیش موٹر سائیکلیں چوری اور چھیننے کا اعتراف کیا ہے۔ دریں اثنا پولیس نے مختلف علاقوں سے 23ملزمان کو گرفتار کرکے اسلحہ ، منشیات اور گٹکا برآمد کرلیا۔ سعود آبا د سے ملزمان بابر بلوچ ، فدا حسین اور نوبل ماڈل کالونی سے شہاب ،شاہ فیصل سےاشرف حسین زمان ٹاؤن سے ملزم عمر ،کورنگی سے شاہد اور رفیق، عرفان ،راشد بیگ کورنگی صنعتی ایریا سے شیر زمان، خرم عباس ، بلال ، ذیشان اور رحمان ولی کو گرفتار کرکے اسلحہ اور بھاری مقدار گٹکا برآمد کرلیا، پیرآباداور شرافی گوٹھ سےمنشیات فروش امجد اور اخترحسین کو گرفتار کرلیا ،شاہراہ فیصل سے دانیال ، محمد احمد ، محسن کو گرفتار کرکے اسلحہ برآمد کرلیاگیا ، کھارادر سے بہادر علی سے گٹکا برآمد کرلیا، ملزمان محمد جاسم اور محمد رشید کو گرفتار کرکے انکے قبضے سے منشیات برآمد کرلی۔