آصف زرداری کواعتزاز احسن کے صدر بننے کا یقین

کراچی(اسٹاف رپورٹر) پیپلز پارٹی کے شریک چیئرمین اور سابق صدر آصف علی زرداری نے خوشگوار انداز میں میڈیا سے بات کی، صحافی نے آصف زرداری سے سوال کیا کہ ہیلی کاپٹر تو سستا ہوگیا آپ ہیلی کاپٹر پر کیوں نہیں آئے ؟، جس پر آصف زرداری نے خوشگوار انداز میں جواب دیا کہ آپ لوگ یہیں رکیں میں ہیلی کاپٹر پرواپس آتا ہوں، ایک سوال پر آصف زرداری نے کہا کہ سیاست دان کے خلاف کوئی بھی مقدمہ غیر سیاسی نہیں ہوتا۔ ایک سوال کے جواب میں انہوں نے کہا کہ اعتزاز احسن ہی صدر بنیں گے۔اس موقع پر صحافی نے ایک بار پھر پوچھا کہ آپ کو یقین ہے کہ اعترازاحسن ہی صدر پاکستان بنیں گے ؟ اس بار جواب میں آصف زرداری نے کہا کہ ہماری کوشش ہے کہ اعتزازاحسن صدر بنیں۔