بنوں(نمائندہ امت) شمالی وزیرستان میں سکیورٹی فورسز کی گاڑی پر فائرنگ کے نتیجے میں ایک اہلکار زخمی ہو گیا۔ذرائع کے مطابق شمالی وزیرستان کی تحصیل بویہ کے علاقہ محمد خیل میں رات کے وقت گشت پر مامور سکیورٹی فورسز کی گاڑی پر نامعلوم حملہ آور نے فائرنگ کی جس کے نتیجے میں سکیورٹی فورسز کا اہلکار زخمی ہو گیا جنہیں ہسپتال منتقل کیا گیا جبکہ سکیورٹی فورسز نے حملہ آور کو گرفتار کرنے کیلئے سرچ آپریشن شروع کر دیا ہے تاحال کسی تنظیم نے واقعہ کی ذمہ داری قبول نہیں کی ۔