کراچی (اسٹاف رپورٹر) ایس ایس پی سٹی نے موچکو تھانے کے ہیڈ کانسٹیبل سمیت 4اہلکاروں کو رشوت لینے پر معطل کردیا۔ تفصیلات کے مطابق ایس ایس پی سٹی ڈاکٹر سمیع اللہ سومرو نے موچکو تھانے میں تعینات 4اہلکاروں ہیڈکانسٹیبل محمد رزاق، سپاہی عبدالرؤف، سپاہی ریاض اور سپاہی تنویر کو معطل کردیا۔ ہیڈ محرر رانا اجمل کے مطابق ایس ایس پی علاقے کے دورے پر تھے کہ انہوں نے مذکورہ اہلکاروں کو ناردرن بائی پاس کے قریب اسنیپ چیکنگ کے دوران ٹرک والوں سے رشوت لیتے ہوئے خود دیکھا جس پر انہیں معطل کیا گیا ہے۔