کراچی (اسٹاف رپورٹر) کراچی پولیس چیف امیر شیخ کا کہنا ہے کہ شہر میں اسٹریٹ کرائمز کیخلاف موٹرسائکل سوار اسٹریٹ واچ پولیس تیارکرلی گئی ہے، خصوصی ٹیم شہرمیں جاری اسٹریٹ کرائمز پر قابو پانے میں مدد گار ثابت ہوگی۔ اپنےایک بیان میں کراچی پولیس چیف نے کہا ہے کہ اہلکاروں کو چھوٹے ہتھیار اور موٹرسائیکلیں دی گئی ہیں، اسٹریٹ واچ فورس کیلئے کنٹرول روم بنایا جارہا ہے، جہاں ڈی ایس پی رینک کا افسر ہر وقت موجود رہے گا۔ ان کا کہنا تھا کہ ابتدائی طور پر اسٹریٹ واچ فورس ابتدائی طور پر ضلع جنوبی میں کام کرے گی جس کو اگلے مرحلے میں شہر بھر میں تعینات کردیا جائے گا۔