کراچی(اسٹاف رپورٹر) مختلف علاقوں میں فائرنگ و تشدد کے واقعات میں بچی سمیت 3 افراد زخمی ہوگئے۔ ڈاکس پولیس کے مطابق مچھر کالونی میں مسلح ملزمان کی فائرنگ سے 24سالہ حمید فاروق ولد محمد عمر زخمی ہوگیا۔ بلدیہ کے علاقے مدینہ کالونی قادری محلے میں نامعلوم سمت سے آنیوالی گولی لگنے سے 12سالہ طیبہ دختر ثمین زخمی ہوگئی۔ بغدادی کے علاقے پھول پتی لین، ٹینری روڈ پر جھگڑے کے دوران چھری لگنے سے 24 سالہ عبدالخالق ولد عبدالرشید زخمی ہو گیا۔