راولپنڈی (این این آئی) پاک فوج کے شعبہ تعلقات عامہ (آئی ایس پی آر) نے یومِ دفاع و شہداء 2018 کے حوالے سے پاکستانی میڈیا کو خراج تحسین پیش کیا ۔آئی ایس پی آر کے ٹوئٹر اکاوٴنٹ پر 35 سکینڈ کا پرومو شیئر کیا گیا جس میں پاکستانی میڈیا سے وابستہ صحافیوں کے پیغامات شامل ہیں اس حوالے سے آئی ایس پی آر نے پاکستانی میڈیا کے مثبت کردار پر شکریہ ادا کرتے ہوئے کہا کہ یوم دفاع و شہداء 2018 پر پاکستانی میڈیا کا شہداء پاکستان کی قربانیوں کو اْجاگر کرنے اور قوم کو آگاہ رکھنے میں کلیدی کردار ہے۔