اسلام آباد(امت نیوز) اسلام آباد فٹ بال ایسوسی ایشن کے زیراہتمام جاری جشن آزادی فٹ بال ٹورنامنٹ میں پاک سپورٹنگ کلب، کرن کلب اور اسلام آباد اکیڈمی کلب نے کوارٹر فائنل میں جگہ بنالی، ٹی اینڈ ٹی گرائونڈ میں کھیلے گئے پری کوارٹر فائنل میں پاک سپورٹنگ کلب نے بی کے یونائیٹڈ کلب کو 3-2 پنلٹی ککس سے ہرا دیا، مقررہ وقت میں دونوں ٹیمیں گول کرنے میں ناکام رہیں، میچ کا فیصلہ پنلٹی ککس پر ہوا، پنلٹی کک پر پاک سپورٹنگ کلب نے تین اور بی کے یونائیٹڈ نے دو گول کئے، روور گرائونڈ میں کھیلے میچ میں کرن کلب نے روور کلب کو 1-0 گول سے شکست دی۔