کوئٹہ (نمائندہ خصوصی )ضلع مستونگ کے علاقے کنڈاوہ میں ریموٹ کنٹرول بم دھماکے کے نتیجے میں ایک شخص جاں بحق جبکہ اس کابیٹا زخمی ہوگیاہے ۔ذرائع کے مطابق مستونگ کے نواحی علاقے کنڈاوہ میں ہونے والے ریموٹ کنٹرول بم دھماکے کے نتیجے میں ایک استاد عبدالرؤف جاں بحق اور ان کا بیٹازخمی ہو ا ہے جسے طبی امداد کے لیے ہسپتال منتقل کردیا گیا،مقامی ذرائع کے مطابق دھماکا اس وقت ہوا جب عبدالروف اپنے بیٹے کے ساتھ اپنے بھائی کی قبر پر فاتحہ خوانی کے لیے جارہے تھے ۔دھماکے کے بعد سیکورٹی فورسز اور مقامی انتظامیہ نے علاقے کو گھیرے میں لے کر شواہد اکٹھے کرنا شروع کر دیئے ہیں۔