راولپنڈی(امت نیوز) چیف آف آرمی اسٹاف جنرل قمر جاوید باجوہ کی زیر صدارت راولپنڈی میں کور کمانڈر اجلاس کے دوران جیو اسٹریٹجک ماحول میں آنے والی تبدیلی پر بحث کی گئی جب کہ آپریشن ردالفساد میں پیش رفت کا بھی جائزہ لیا گیا۔ آئی ایس پی آر کے مطابق پاک فوج کے سپہ سالار جنرل قمر جاوید باجوہ کی صدارت میں کورکمانڈرکانفرنس ہوئی۔جس سے خطاب کرتے ہوئےآرمی چیف نے کہا کہ شہداء کی عظیم قربانیوں کا اعتراف اور احترام کیا جائے۔فیلڈ مارمیشن افسران شہداء کے گھروں میں جائیں اورانہیں خراج عقیدت پیش کریں۔کانفرنس میں خطے کی جیو اسٹریٹجک وسیکورٹی صورتحال ، پاک فوج کی آپریشنل تیاریوں اور آپریشن ردالفساد میں پیشرفت کا جائزہ لیا گیا۔شرکاء کانفرنس نے یوم دفاع کے شہداء کو خراج عقیدت پیش کیا۔