لاہور(امت نیوز) جلال الدین کی سربراہی میں ویمن سلیکشن کمیٹی نے قومی ویمن کرکٹ ٹیم کے ہائی پرفارمنس کیمپ کیلئے 27ممکنہ خواتین کھلاڑیوں کے ناموں کا اعلان کردیا۔کیمپ نیشنل کرکٹ اکیڈمی لاہور میں 12سے 28ستمبر کو منعقد ہوگا۔کیمپ کا مقصد کھلاڑیوں کی فزیکل فٹنس کو بہتر کرنا اور ان کی مہارت میں اضافہ کرنا ہے۔قومی ویمن کرکٹ ٹیم کے بیٹنگ کسنلٹنٹ اینڈی رچرڈز بھی کیمپ کو 12ستمبر کو جوائن کریں گے۔ویمن ٹیم کی کپتان بسمعہ معروف ان فٹ ہونے کی وجہ سے کیمپ میں شرکت نہ کرسکیں گی انہیں اپریشن کے بعد ڈاکٹرز نے 8ہفتے ریسٹ کرنے کا کہا ہے۔کیمپ کیلئے اعلان کردہ ویمن کرکٹرز میں ناہیدہ خان ،عائشہ ظفر،جوریہ روؤف ،ارم جاوید ،منیبا علی ،جوریہ خان ،حفصا خالد ،سدرہ امین ،عمائمہ سہیل ،ندا ڈار ،ثناء میر ،سبحانہ طارق ،کائنات اور دیگر شامل ہیں۔