کوالالمپور(آن لائن) ایشیا کپ کوالیفائر کرکٹ ٹورنامنٹ کا فائنل میچ (آج) جمعرات کو کھیلا جائیگا اور فاتح ٹیم رواں ماہ شیڈول ایشیا کپ ٹورنامنٹ میں شرکت کرے گی جو کہ 15 ستمبر سے متحدہ عرب امارات میں شروع ہو گا۔ملائیشیا میں جاری ایشیا کپ کوالیفائر ٹورنامنٹ میں منگل کو کھیلے گئے آخری لیگ میچز میں متحدہ عرب امارات (یو اے ای) نے اومان اور ہانگ کانگ نے نیپال کو شکست دے کر فائنل میں جگہ بنائی، یو اے ای نے پہلے کھیلتے ہوئے مقررہ اوورز میں 8 وکٹوں پر 208 رنز بنائے، کپتان روہن مصطفیٰ 71 رنز بنا کر نمایاں رہے۔