کراچی(امت نیوز) ناصر باسکٹ بال اکیڈمی کے زیر اہتمام کراچی باسکٹ بال ایسوسی ایشن کے اشتراک سے کراچی پورٹ ٹرسٹ اسپورٹس کمپلیکس میں یوم دفاع کڈز باسکٹ بال فیسٹیول میچ کا شاندار انعقاد ،میجر عزیز بھٹی شہید الیون نے میجر شبیر شریف شہید الیون کو 36-22پوائنٹس سے شکست دیکر ٹائٹل اپنے نام کرلیا ۔فاتح میجر عزیز بھٹی شہید الیون کی جانب سے محمد سعد 10،محمد دانیال خان 8اور محمد زید نے 7جبکہ رنر اپ میجر شبیر شریف شہیدالیون کی جانب سے عبید خان 8،محمد حسن 8اور زین علی نے 6پوائنٹس اسکور کرکے نمایاں کھلاڑی رہے۔کھیلے گئے میچ میں ریفری کے فرائض ممتاز احمد ،ذاہد ملک اور ظفر اقبال نے انجام دیئے جبکہ ٹیکنیکل آفیشل عبدالناصر ،ذعیمہ خاتون اور محمد یعقوب تھے ۔میچ کے اختتام پر مہمان خصوصی جی ایم اسپورٹس کراچی پورٹ ٹرسٹ کرنل(ریٹائرڈ ) سید بصیر عالم نے فاتح ،رنر اپ ٹیموں کے کپتانوں کو ٹرافی اور کھلاڑیوں میں انفرادی انعامات تقسیم کئے اس موقع پر شاہدہ پروین ،خالد جمیل شمسی ،بیرسٹر غلام عباس جمال ،محمد سلیم خمیسانی،غلام محمد خان اور عبدالناصراور دیگر موجود تھے۔