اسلام آباد (اے پی پی) پاکستان ہاکی فیڈریشن کے زیراہتمام قومی جونیئر ہاکی ٹیم کے کھلاڑیوں کا تربیتی کیمپ (آج) ہفتہ سے نصیر بندہ سٹیڈیم، پاکستان سپورٹس کمپلیکس اسلام آباد میں شروع ہو گا۔ قومی جونیئر ہاکی ٹیم کے تربیتی کیمپ میں 27کھلاڑیوں کو مدعو کیا گیا ہے اور کھلاڑی کیمپ کمانڈینٹ ائولمپیئن قمر ابراہیم کو رپورٹ کریں گے۔ کھلاڑیوں میں وقار یونس، رضوان علی، ریحان بٹ، عدیل لطیف، جنید منظور، شاہزین خان، غضنفر علی، افراز حکیم، عمیر ستار، نوید عالم، عادل راو، امجد علی، اویس ارشد، رانا وحید، احمد ندیم، محمد ابراہیم، وقار علی، ذاکر اللہ، محمد الیاس، علی عزیز، رومان خان، اکمل حسین، خیر اللہ، علی رضا، آصف حنیف اور حمید انجم شامل ہیں۔